Ağ Topla düşün, qalib gəl, inkişaf et!

Ağ Top Şahmat Klubu Azərbaycan gənclərinin intellektual inkişafını dəstəkləmək, şahmatın ölkədə daha geniş yayılmasına töhfə vermək məqsədilə yaradılmışdır. Klubumuzda həm uşaqlar, həm də böyüklər üçün fərqli səviyyələrə uyğun peşəkar şahmat dərsləri keçirilir.

Məqsədimiz yalnız şahmat öyrətmək deyil, həm də düşünmə, analiz etmə, qərarvermə və strateji planlaşdırma bacarıqlarını inkişaf etdirməkdir. Bu səbəbdən dərslərimiz xüsusi tədris proqramı əsasında — fərdi yanaşma ilə həyata keçirilir.

Klubumuzun təcrübəli məşqçiləri Azərbaycan və beynəlxalq yarışlarda uğur qazanmış şahmatçılardır. Onların rəhbərliyi altında bir çox yetirmələrimiz respublika və beynəlxalq turnirlərdə yüksək nəticələr əldə etmişdir.

Ağ Top Şahmat Klubunda dərslər interaktiv və əyləncəli şəkildə aparılır. Qrup dərsləri ilə yanaşı, fərdi məşğələlər də təşkil olunur. Uşaqlar üçün dərslər oyun şəklində qurulur, böyüklər üçün isə daha strateji yönümlü proqramlar təklif olunur.